Nan kad Misyon Miltinasyonal Soutyen ak Sekirite (MMSS) a, Benen swete voye ant 1500 a 2000 sòlda nan peyi a. Toutfwa, otorite afriken yo bay kondisyon pou yo voye sòlda pa yo nan peyi a.
Nan yon atik jounal ameriken an, Miami Herald pibliye ayè vandredi 13 septanm 2024 la, li rapòte minis Zafè etranjè Benen an, Shegun Adjadi Bakari fè konnen peyi l la pa ka voye militè li yo an Ayiti pou se ofisye polis ki sòti Kenya k ap dirije yo.
Se sa ki fè, minis lan di li kwè, misyon an dwe gen nan tèt li militè. Paske, Ayiti bezwen yon misyon militè pou konbat gang yo retabli sekirite epi mete estabilite.
N ap raple, se nan mwa jen pase a premye twoup polisye Kenya ki nan tèt misyon an te antre nan peyi a. E sa pa gen lontan tou depi kèk sòlda jamayiken te ateri nan ayewopò entènasyonal Tousen Louvèti a.
Atik sa se pwopriyete prive ©️ Gwoup Medya MAGHAITI 2024
