Minis zafè etranjè Bayamas la, Fred Mitchell mande pou 6 sòlda bayameyen yo antre nan peyi yo si yo santi sekirite yo menase an Ayiti. Minis lan fè deklarasyon sa pandan sòlda sa yo te vin an Ayiti pou vin ranfòse misyon miltinasyonal la ki li menm gen misyon pou retabli lapè nan peyi a.
«Minis zafè etranjè Bayamas la, Fred Mitchell deklare manm fòs defans wayal Bayamas yo ak resòtisan yo ka kite peyi sa lè yo vle, san okenn lòd gouvènman an si yo pa santi yo an sekirite», se sa nou li nan yon atik The Gleaner ekri.
N ap soulinye, nan 150 sòlda yo te pwomèt k ap vini nan kad misyon fòs miltinasyonal la se sèlman 6 ki nan peyi a. Otorite bayameyen an fè deklarasyon sa pandan sòlda sa yo poko menm gen yon mwa sou sòl ayisyen an. Puiske, yo te ateri nan ayewopò Tousen Louvèti a nan dat Vandredi ki te 18 oktòb 2024 la.
N ap soulinye, malgre fòs la nan peyi a depi mwa jen 2024 la, sa pa anpeche gang ak zam yo ap pran plis zòn e teworize popilasyon an. Dayè, nan moman sa menm bal pa sispann tire toupatou nan Pòtoprens lan. Sa ki lakoz tou plizyè moun kontinye ap kite kay yo nan Solino paske bandi yo kontinye ap fè vyolans nan katye sa.
CP: The Nassau Guardian
Atik sa se pwopriyete prive ©️ Gwoup Medya MAGHAITI 2024
