Plizyè manm nan popilasyon Ponsonde a tonbe anba bal bandi Savyen yo maten jedi 3 oktòb 2024 la. Selon plizyè abitan endividi ak zam yo ap atake vil la depi nan lannuit mèkredi 2 septanm nan kote plizyè moun sòti viktim.
Malgre poko gen pyès bilan pou ta konnen konbyen viktim ki mouri nan nouvo atak sa a, divès videyo pa sispann pataje sou rezo sosyo yo pou montre efektivman gen anpil moun ki blese ak bal k ap eseye al pran swen nan divès lopital ki twouve yo nan vil Senmak.
Pou kounye a, plizyè moun pa sispann lanse SOS sou vil Senmak puiske atak sa a fèt tou pre yo. Nan sans sa a, moun yo pa sispann mande pou lapolis aji pou zòn nan pèdi anba kontwòl nèg ak zam.
N ap fè konnen, se pa premye fwa gwoup gang nan zòn Latibonit ap sakrifye popilasyon an. Keseswa nan atak y ap fè sou yo oubyen nan kidnapin yo pa sispann fè.
Atik sa se pwopriyete prive ©️ Gwoup Medya MAGHAITI 2024
