Jodi mèkredi 18 septanm 2024 nan, bandi ak zam touye ak bal Kerwin Augustin, ki se direktè Ofis Nasyonal Migrasyon (ONM) nan Okap.
Se tou prè lakay li nan lokalite Pon granbwa gang ak zam ki te sou moto tire sou reprezantan ONM lan nan vil Okap jodi mèkredi a.
Kerwin Augustin fè vwèl pou peyi san chapo sou kabann lopital « Universitaire Justinien ». Se jij pou lapè mèt Philipaux Samuel ki te fè konsta legal la.
N ap raple, bandi ak zam kontinye ap mete dlo nan je chak jou ki pase toupatou nan peyi a. Pandantan sa, otorite yo nan pouvwa tranzisyon an te tante rasire popilasyon an y ap vin goumen kont gang yo. Sepandan, plis pase 3 mwa aprè sitiyasyon an pa janm chanje.
Atik sa se pwopriyete prive ©️ Gwoup Medya MAGHAITI 2024
