Aprè plizyè atak gang yo fè sou lopital Bernard Mevs nan lendi 16 pou rive madi 17 desanm 2024 la, yo rive mete dife nan plizyè pati nan batiman an. Sa pase malgre tout jefò lapolis te fè pou repouse atak endividi ak zam yo.
Laboratwa, sal imajri, sal operasyon se kèk nan pati nan lopital sa ki twouve l Vilaj Solidarite, ki pase anba flanm dife nan lannuit lendi 16 desanm nan. Mete sou sa, plizyè videyo montre genyen plizyè machin ki boule tou anplis kèk ekipman sèl lopital Bernard Mevs posede bandi yo ale ak yo.
Se yon sitiyasyon ki mete lapènn lakay plizyè manm nan popilasyon an ki yo menm mande otorite yo kontinye pwoteje espas sanitè sa nan peyi a. Paske yo estime aprè plizyè atak, lopital la ta nouvo sib nèg ak zam yo.
Atik sa se pwopriyete prive ©️ Gwoup Medya MAGHAITI 2024
