Bandi ak zam atake jodi jedi 26 septanm 2024 la, katye jeneral Fòs Lame Ayiti (FAD’H) a ki nan zòn channmas.
Daprè enfòmasyon plizyè medya pataje, atak sa se te yon fason pou nèg ak zam yo te antre nan katye jeneral lame a. Men, sòlda yo yo menm yo te bay repons ak atak gang yo e yo te rive repouse yo.
Kout bal pa t sispann chante nan zòn Channmas la nan moman bandi yo t ap atake katye jeneral FAD’H la. Lapolis ak ofisye Kenya yo nan bò pa yo yo te pote ranfò bay sòlda Lame yo.
N ap fè konnen, pou kounye a poko gen okenn bilan ki bay konsènan atak sa. Pandantan sa, pwomès otorite yo pou tabli sekirite anndan peyi a toujou paka respekte puiske bandi yo kontinye ap atake enstitisyon leta yo.
© Tous droits réservés – Groupe Média MAGHAITI 2024
