Anviwon 4 prezime bandi mouri nan operasyon lapolis mennen nan tèt kole ak popilasyon an nan Kenskòf jodi samdi 23 novanm 2024 la. Selon yon sous nou, nèg ak zam sa yo te gen entansyon atake zòn nan men lapolis gen kontwòl tout bagay.
Daprè kèk medya lokal, endividi sa yo te nan yon machin prive lè popilasyon an te ede lapolis kenbe yo. Anplis sa, plizyè imaj montre kòman 4 prezime bandi sa yo rive pran bw@ k@le nan men popilasyon Kenskòf la.
Fòk nou di, machin sa te genyen anviwon 5 prezime bandi ladan l. Abitan yo nan sousi pou kontinye operasyon an aktyèlman ap chache grenn endividi sa a.
N ap soulinye, pandan dènye jou sa yo fòs lòd yo nan maryaj yo fè ak popilasyon an rive mete dlo nan bouch pou pi piti 30 nèg ak zam.
Atik sa se pwopriyete prive ©️ Gwoup Medya MAGHAITI 2024
