Nan yon konferans pou laprès ayè madi 20 dawout 2024 la, anbasadè Etazini an Ayiti a, Denis Bruce Hankins deklare yo pa gen okenn solisyon mirak pou mete yon bout nan kriz sa k ap bwase bil peyi a.
Denis Bruce Hankins fè deklarasyon sa nan moman l t ap pale sou kriz sekiritè a ki la depi yon bon bout tan. Daprè sa l di, Etazini ak kominote entènasyonal la pa gen mwayen ki ka fè mirak pou mete yon fen ak pwoblèm sa.
Pou anbasadè a, zafè retabli lapè ak sekirite nan peyi a se pito responsablite ayisyen. Selon sa diplomat la di, se ayisyen ki dwe pran bon jan mezi pou mete sekirite ak estabilite an Ayiti avèk sipò kominote entènasyonal la.
Toutfwa, reprezantan peyi Etazini an pèsiste sou nesesite ki genyen pou yon repons kòdone ant aktè nasyonal ak entènasyonal yo. Yon fason daprè li k ap ede nan konbat gwosè kriz ki gen la.
Atik sa se pwopriyete prive ©️ Gwoup Medya MAGHAITI 2024
