Nan yon mesaj li pataje sou rezo sosyàl li yo, Anbasad amerikèn di li kondane atak sa Medsen San Fwontyè (MSF) sibi anba men lapolis pandan semèn nan. Nan menm tan an, otorite ameriken yo deklare sa ba yo anpil pwoblèm, puiske yo wè vyolans lan monte pi wo an Ayiti.
«Sa a se te yon atak kont pèp Ayisyen an tou», daprè pawòl responsab yo nan anbasad la deklare. Yon lòt bò, yo pwofite fè tout moun konnen jan yo menm yo gen kè sote fas ak vyolans lan ki pa sispann monte nan peyi a. Se pou sa, pi lwen yo soulinye pèp ayisyen an merite pou l viv nan sekirite ak nan lapè.
N ap raple, jou ki te 11 novanm 2024 la, lapolis te non sèlman touye 2 pasyan MSF t ap mennen al pran swen nan lopital lapè a. Men tou, ajan polis yo te maltrete pèsonèl medikal ki te akonpanye malad sa yo nan anbilans, daprè sa estrikti medikal la te fè konnen nan yon kominike. Se yon aksyon ekip la pa t met dlo nan bouch li pou kondane pandan li mande pou moun yo sispann ak move zak sa yo ki antrave zèv imanitè yo nan peyi a.
Atik sa se pwopriyete prive ©️ Gwoup Medya MAGHAITI 2024
