Plizyè moun sòti blese, jodi jedi premye dawout 2024 la, aprè yon aksidan machin nan nivo Dèlma 60, daprè temwen ki te sou plas.
Selon enfòmasyon nou rive jwenn, aksidan sa fèt aprè machin nan fin pèdi fren. Pou evite twòp dega, chofè a te oblije antre machin nan nan yon poto ki te gen lanpadè.
Yon lòt bò, poto ki te genyen lanpadè a tonbe sou yon machin ki t ap ale Petyonvil.
Pou kounye a, otorite yo nan komin Dèlma poko kominike bilan dega aksidan sa pwovoke, men kèk temwen ki te sou plas rapòte pa gen moun ki mouri, men plizyè moun blese.
Atik sa se pwopriyete prive ©️ Gwoup Medya MAGHAITI 2024
