Administrasyon Trump lan depòte jounen madi 4 fevriye 2025 lan, yon premye gwoup migran ayisyen ki gen ladan l 25 konpatriyòt. 13 ladan yo se kriminèl ki te deja kondane, daprè responsab rejyonal Ofis Nasyonal Migrasyon an (ONM), Kerlande Desauguste.
Migran ayisyen sa yo Etazini voye tounen jodi a se premye gwoup ki depòte depi aprè Donald Trump te pran pouvwa 20 janvye pase a. Se nan vil Okap avyon ki te pote moun sa yo te ateri.
Kèk nan migran sa yo pa t jwenn azil è pase plizyè mwa nan prizon. Daprè sa youn nan yo fè konnen, aprè 20 lane yo sispann azil li. E ajan ICE yo te al pran l lakay li nan dat 17 avril 2024 la.
Anplis sa, anpil nan migran sa yo te krikite fason yo vini puiske yo pa jwenn paspò yo. Kerlande Desauguste Ki te resevwa yo fè konnen se sèlman 7 paspò yo resevwa. Nan ka sa, li pwomèt pou fè demach pou jwenn rès paspò yo.
Menmsi responsab rejyonal ONM nan pa di konbyen kòb moun yo resevwa, men li deklare leta ba yo yon akonpayman yon fason pou yo kapab rantre lakay yo.
N ap soulinye, Ayiti fè pati 10 peyi ki gen plis moun Etazini ap gen pou depòte nan peyi yo.
Atik sa se pwopriyete prive ©️ Gwoup Medya MAGHAITI 2025
