Jounen lendi 23 septanm 2024 la, moun k ap viv nan komin Verèt ki nan depatman Latibonit, òganize yon mouvman pwotestasyon pou manifeste solidarite yo ak polisye Inite Antigang (UTAG ) yo.
Mobilizasyon sa fèt nan lide pou denonse kèk moun k ap fè mannèv pou mande voye ajan fòs lòd sa yo ale.
Daprè pawòl abitan yo moun sa yo ki ap fè demach sa yo gen bon rapò ak gang. Yo menm ki fache pou move aksyon sa k ap fèt la, yo te pwofite mande ak chèf gouvènman ayisyen an, Garry Conille ansanm ak direktè jeneral Polis Nasyonal Ayiti (PNH) a, Rameau Normil pou ranfòse komisarya Vèrèt la.
Pou kèk manm nan popilasyon an, ranfòse komisarya a ap ede nan batay pou fè fas kare ak gang ak zam Savyen yo.
N ap fè remake, nan mouvman sa abitan nan komin Vèrèt yo pa t sispann fè lwanj pou ajan UTAG yo nan lokalite a. Daprè kèk nan yo, se gras ak vijilans epi detèminasyon yo bandi ak zam nan Savyen pa gentan pran komin nan.
© Tous droits réservés – Groupe Média MAGHAITI 2024
