Jan sa te anonse a, yon kontenjan ki gen ladan l 70 militè salvadoryen an ateri nan Ayewopò entènasyonal Toussaint Louverture jodi madi 4 fevriye 2025 lan. Gwoup sòlda sa yo vin ranfòse Misyon Miltinasyonal Soutyen ak Sekirite a (MMSS).
Se prezidan Konsèy Prezidansyèl Tranzisyon an (KPT) Leslie Voltaire, direktè jeneral Polis Nasyonal Ayiti a (PNH), Normil Rameau ak kèk anbasadè Lafrans ak Kanada ki te resevwa gwoup militè sa yo ki sòti Salvadò. Nouvo sòlda sa yo ki antre a ap gen pou ede nan domèn medikal nan kad operasyon k ap fèt kont gang yo.
Fòk nou di, malgre prezans MMSS la nan peyi a depi mwa jen 2024 la, sa pa anpeche gang yo vin bay popilasyon an plis pwoblèm. Epi yo kontinye pran plis teritwa anba je otorite yo. Poutan, objektif misyon sa se konbat vyolans gang yo k ap fèt kont popilasyon an.
N ap soulinye, Konsèy Sekirite Loni an te pwolonje manda MMSS la pou 2 oktòb 2025.
Atik sa se pwopriyete prive ©️ Gwoup Medya MAGHAITI 2025
