Yon aksidan machin nan mòn Moleya nan depatman Nòdès lakoz 5 moun pèdi lavi yo jounen lendi 5 dawout 2024 la.
Aprè 5 moun sa yo ki mouri sou plas nan aksidan sila a, plizyè lòt sòti blese epi al pran swen lopital jodi lendi a. Viktim yo, selon enfomasyon nou jwenn, se manm yon koral ki rele Kèzini nan Katedral Sen Jozèf nan Fòlibète.
Pami 5 moun sa yo genyen 2 jèn fi. Aksidan sa rive fèt nan moman viktim yo t al fete ak yon lòt koral nan menm depatman an.
Anpil moun kontinye ap viktim aksidan sikilasyon anndan peyi a, men li rete ak otorite woutyè yo pou pran yon desizyon k ap bon nan lide pou evite plis viktim nan aksidan sa yo.
sa se pwopriyete prive ©️ Gwoup Medya MAGHAITI 2024
