3 ayisyen pèdi lavi yo ayè lendi 12 dawout 2024 la, nan yon aksidan machin, nan Repiblik Dominikèn. Selon jounal dominiken yo gen plizyè sitwayen ki sòti blese nan aksidan sa tou.
Plis pase 26 moun sòti blese nan menm aksidan sa ki te fèt nan lè 6è nan aprè midi, nan zòn Verón-Bávaro. Daprè eksplikasyon otorite yo bay, 19 moun te oblije al pran swen an ijans nan lopital minisipal Verón nan.
Anplis, otorite lokal yo konfime 2 nan 3 ayisyen ki pèdi lavi yo a rive mouri touswit aprè aksyon an. Tandiske lòt la li menm t ale rann dènye souf li sou kabann lopital.
N ap soulinye, aksidan sa rive fèt se aprè yon kamyon ki t ap pote travayè ayisyen t al frape avèk yon bis.
sa se pwopriyete prive ©️ Gwoup Medya MAGHAITI 2024
