Pandan 6 premye mwa ane 2024 la, se anviwon 3 759 moun bandi touye osnon blese, daprè 2 rapò Òganizasyon Nasyonzini (ONU) mete deyò.
Sòti janvye pou rive jen 2024, zak vyolans yo vini pi plis nan peyi Ayiti. Ensekirite a ki pa sispann monte lakoz pwoblèm grangou a frape plis fanmi. Sa ki fè selon ONU, genyen 4 milyon moun ki frape ak grangou nan peyi a.
Bilan moun ki viktim vyolans yo kontinye ap ogmante nan peyi a chak jou pi plis. Poutan, otorite ki la pou garanti sekirite popilasyon an pa janm pran oken mezi pou rive frennen zak banditis yo. Sitou lè n konsidere pandan 3 premye mwa 2024 la, te genyen 2 380 moun ki te deja viktim anba vyolans nèg ak zam yo.
sa se pwopriyete prive ©️ Gwoup Medya MAGHAITI 2024
